Rainier (berg)

Rainier Tahoma, Tacoma
Die westelike hang van die berg Rainier in 2005.
Ligging	Mount Rainier National Park, Pierce County, Washington, VSA
Hoogte	4 392 meter bo seevlak
Koördinate	46°51′10″N 121°45′37″W / 46.8528857°N 121.7603744°W / 46.8528857; -121.7603744
Bergtipe	Stratovulkaan
Laaste uitbarsting	1450
Rainier Tahoma, Tacoma Ligging in Washington.

Die berg Rainier (ook bekend as Tahoma of Tacoma) is 'n groot, aktiewe stratovulkaan in die Cascade-bergreeks van die Pasifiese Noordweste in die VSA. Dit is geleë in die Nasionale Park Mount Rainier, omtrent 95 km suidsuidoos van Seattle.^[1] Dit is 4 392 m hoog,^[2][3] en is die hoogste berg in die Amerikaanse staat Washington en in die Cascade-vulkaanboog.

Vanweë die groot moontlikheid dat dit in die toekoms kan uitbars, word die berg Rainier beskou as een van die gevaarlikste vulkane in die wêreld en is dit as 'n Dekadevulkaan aangewys.^[4] Die groot hoeveelheid gletserys beteken Rainier kan enorme modderstrome veroorsaak wat die hele Puyallupriviervallei kan bedreig. Volgens die VSA- Geologiese Opname "is sowat 80 000 mense en hulle huise in die berg Rainier se modderstroomsones in gevaar".^[5]

1. ↑ "GPS Visualizer Map".
2. ↑ Hill, Craig (16 November 2006). "Taking the measure of a mountain". The News Tribune. Geargiveer vanaf die oorspronklike op 16 November 2006.
3. ↑ Signani, PLS, Larry (19 Julie 2000). "The Height of Accuracy". Point of Beginning (Trade Magazine). BNP Media. Geargiveer vanaf die oorspronklike op 27 April 2012. Besoek op 17 Oktober 2008.
4. ↑ "Decade Volcanoes". CVO. United States Geological Survey. Geargiveer vanaf die oorspronklike op 3 Junie 2012.
5. ↑ Driedger, C.L.; Scott, K.M. (1 Maart 2005). "Mount Rainier – Learning to Live with Volcanic Risk". Fact Sheet 034-02. United States Geological Survey. Besoek op 30 Oktober 2008.